കേരളത്തിൽ ഷൂട്ടിങ്, മദ്യപിച്ചെത്തിയ ആരാധകനെ അന്ന് തല്ലി, അയാൾ ആളെക്കൂട്ടി വന്നു; സായ് ധൻഷിക

കേരളത്തിൽ സിനിമ ചിത്രീകരിക്കുന്നതിനിടയിൽ തനിക്ക് നേരിട്ട ഒരു മോശം അനുഭവം തുറന്ന് പറഞ്ഞ് നടി സായ് ധൻഷിക. മദ്യപിച്ച് ഒരാൾ ഫോട്ടോ എടുക്കണം എന്ന ആവശ്യവുമായി വന്നുവെന്നും നിരസിച്ചപ്പോൾ ആളെക്കൂട്ടി വന്ന ബഹളം ഉണ്ടാക്കിയെന്നും നടി പറഞ്ഞു. നല്ല രീതിയിൽ അയാൾക്ക് തല്ല് കൊടുത്താണ് പറഞ്ഞുവിട്ടതെന്നും നടി കൂട്ടിച്ചേർത്തു. ഗലാട്ട പ്ലസിന് നൽകിയ അഭിമുഖത്തിലാണ് പ്രതികരണം.

'കേരളത്തില്‍ വച്ചുള്ള ഒരു ഷൂട്ടായിരുന്നു അത്. ഷൂട്ട് ബ്രേക്ക് പറഞ്ഞപ്പോള്‍ ഞാന്‍ കാരവാനിലേക്ക് പോയി. എന്റെ കെയര്‍ടേക്കറും ഉണ്ടായിരുന്നു. അവിടെ ഒരാള്‍ ഫോട്ടോ എടുക്കണം എന്നും പറഞ്ഞു വന്നു, അയാള്‍ മദ്യപിച്ചിട്ടുണ്ടായിരുന്നു. നിങ്ങള്‍ മദ്യപിച്ചിട്ടുണ്ട്, ഫോട്ടോ എടുക്കാന്‍ പറ്റില്ല എന്ന് പറഞ്ഞപ്പോള്‍ അയാള്‍ അവിടെ പ്രശ്‌നമുണ്ടാക്കി. പിന്നെ ഒന്നും നോക്കിയില്ല, അയാള്‍ക്ക് നല്ല തല്ല് കൊടുത്തു വിട്ടു. ആ സംഭവം കഴിഞ്ഞ്, അയാള്‍ അതുവഴി അങ്ങ് പോയി. ഞാന്‍ കാരവാനിലും കയറി.

പിന്നെ പുറത്തിറങ്ങുമ്പോള്‍ അയാളൊരു ഏഴ് പേരെയും കൂട്ടിയാണ് വന്നത്. പിന്നെ അവിടെ വലിയ ഫൈറ്റായിരുന്നു. ഞാന്‍ പഠിച്ച ആയോധനകലകൾ വേണ്ടിടത്ത് പ്രയോഗിക്കാം എന്നാണല്ലോ. അത് സേഫ്റ്റിയാണ്. അവസാനം സംവിധായകനും നായകനും എല്ലാം ചേര്‍ന്ന് എന്നെ പിടിച്ചുവയ്ക്കുകയായിരുന്നു. എന്നിട്ടും ദേഷ്യം മാറിയില്ല. എന്റെ കൂടെയുള്ള ആളെ ഉപദ്രവിച്ചാല്‍ നോക്കി നില്‍ക്കാന്‍ എനിക്ക് പറ്റില്ല,' സായ് ധൻഷിക കൂട്ടിച്ചേർത്തു.

അതേസമയം, നടൻ വിശാലമായി വിവാഹം വൈകാനുള്ള കാരണവും നടി തുറന്നു പറഞ്ഞു. നടികർ സംഘം ബിൽഡിങ് പണി പൂർത്തിയായശേഷമാകും വിവാഹം. അതിനാൽ വിവാഹ തീയതി പറയാൻ കഴിയില്ല. ആ കെട്ടിടം പൂർത്തീകരിക്കണം എന്നത് വിശാലിന്റെ സ്വപ്നമാണ്. അഞ്ച് വർഷമായി ആ സ്വപ്നവും വെച്ച് ഒരു മനുഷ്യൻ ജീവിച്ച് വരികയല്ലേ. അതിനെ തടുക്കാൻ ആർക്കെങ്കിലും കഴിയുമോ?'എന്നായിരുന്നു ധൻഷികയുടെ വാക്കുകൾ.

നടി കേന്ദ്ര കഥാപത്രമായി എത്തുന്ന പുതിയ ചിത്രമായ 'യോഗി ഡാ'യുടെ ഓഡിയോ ലോഞ്ച് ചടങ്ങിനിടെയാണ് ഇരുവരും പ്രണയത്തിലാണെന്ന കാര്യം സ്ഥിരീകരിച്ചത്. 47-ാം വയസിലാണ് നടന്റെ വിവാഹമെന്നത് ശ്രദ്ധേയമാണ്. സായ് ധൻസികയും നടനും തമ്മിൽ ഏറെ നാളായി സൗഹൃദത്തിൽ ആയിരുന്നു. കബാലി, പേരാൺമൈ, പരദേശി തുടങ്ങിയ തമിഴ് ചിത്രങ്ങളിലെ പ്രകടനത്തിലൂടെ ശ്രദ്ധേയയായ നടിയാണ് സായ് ധൻസിക. ദുൽഖർ സൽമാൻ നായകനായി ബിജോയ് നമ്പ്യാർ സംവിധാനം ചെയ്ത ആന്തോളജി ചിത്രം 'സോളോ'യിൽ ഒരു നായികയായി ധൻഷിക മലയാള സിനിമയിലും തന്റെ സാന്നിധ്യം അറിയിച്ചിരുന്നു.

Content Highlights:  Actress Sai Dhanshika spoke about a bad experience she had during a film shoot in Kerala. She revealed that the incident made the schedule difficult for her.